2011 ވަނަ އަހަރު މުޅި ރާއްޖޭގައި ބޭއްވޭ ކައުންސިލް އިންތިހާބަށް އަޅުގަނޑް ކުރިމަތިލައިފީމެވެ.
ލަންދޫގެ ލޮބްވެތި ރައްޔިތުންނޭވެ.އަޅުގަނޑަކީ މިރަށު ކުރީގެ ބޮޑްކަތީބް އަލްމަރުހޫމް އަބަދުއްރައްޒާގު މޫސާގެ ދަރިފުޅު މަޖުދުއްﷲ އަބުދުރައްޒާގެވެ.ކުރުކޮއް ފޮނިކޮން ބުނާނަމަ މިއަދުވެސް ލަންދޫގެ ކައުންސިލަރ ކަން ހިތްވަރާއެކު ކުރަމުން މިގެންދަނީ އަޅުގަނޑެވެ.ވަރަށް ސާބިތު ކަމާއި ކަމަށް ކަމޭ ހިތުމާއި އެކު ގިނަ އަދަދެއްގެ ރައްޔިތުންގެ ތާއީދާވެސް އެކުއެވެ.މާދަމާވެސް އަޅުގަނޑް ހުންނަން ބޭނުންވަނީ ހަމަ މިގޮތުގައެވެ.ދުވަހަކުވެސް ރައްޔިތަކަށް ދެރައެއް ނުދޭނަމެވެ.މީހަކަށް ހައްގުނޫން މަންފާއެއް ހޯދައެއް ނުދޭނަމެވެ.އެއްބަޑަސް ތިމާގެޔަސް އަދި އެއީ މުޅިން އެހެންކަމެކެވެ.އެއީ އަޅުގަނޑްގެ ވަޒީފާގެ މަސްއޫލިއްޔަތުގެ ތެރެއިން ފެންނާނެ ކަމެއް ނޫނެވެ.ފާއިތުވެ މި ދާ 08 މަހުގެ ދިގު ދުވަސް ތަކުގައި އަޅުގަނޑް ވާނީ އިހުލާސް ތެރި ކަމާއި އެކު އެކަން ކަން ރައްޔިތުންނަށް ސާބިތު ކޮއްދީފައެވެ.އަޅުގަނޑާމެދު ހިތް ހަމަ ނުޖެހިގެން ނުވަތަ އަޅުގަނޑްގެ މަސައްކަތްތައް ހަޖަމް ނުކުރެވިގެން ރަށު އޮފީސް ދޮށަށް ބަޔަކު އެއްވެ މުޒާހަރާ ކުރި ދުވަހު އަޅުގަނޑް މީ ކޮންކަހަލަ މީހެއްކަން ބަޔަކަށް ނޭންގުނަސް ހުދު އެތަނަށް އެއްވި ގިނަ މީހުންނަށް ވަރަށް ރަގަޅަށް ވާނީ އެނގިފައެވެ.އިރާދަކުރެއްވިއްޔާ އެމީހުން ދުވަހަކުވެސް އަޅުގަޑާމެދު ނުނިޔަތެއް ނުލާނެ ވަރަށް މިހާރު ހުންނާނީ އަޅުގަނޑްގެ އިހުލާސް ތެރިކަން އެމީހުންނަށް ފެނިފައެވެ.
ލަންދޫގެ ލޮބުވެތި އަދި އިހުލާސްތެރި ރައްޔިތުންނޭވެ.އަޅުގަނޑް ވާނީ މި ރަށުގައި ބޮއްސުންލާފަ އޮތް ވަލުގެ ކަންތައްވެސް ތާރީހުގައި ދުވަހަކުވެސް ކޮންޓްރޯލް ނުވާ ވަރަށް ކޮންޓްރޯލް ކޮއްފައެވެ.އެކަމަށް ރައްޔިތު އަންހެނުން ބޭނުންވި އެންމެ ރަގަޅު ގޮތް މިއަދުވެސް މިއަންނަނީ ތަންފީޒް ވަމުންނެވެ.
އިރާދަކުރެއްވިއްޔާ ދެން އަޅުގަނޑް ރާވާ ވިލަރެސް ކުރަމުން އައި އެންމެ ބޮޑް އެއް މަސްރޫއުކަމަށްވާ ލަންދޫއިން ގޯތިދޫކުރުމުގެ މަސައްކަތް މިއަންނަ ހަފްތާތެރޭ މުޅިން ނިންމާލެވޭނެއެވެ.މާނައަކީ ގޯތިއެއްކޮއް ދޫކުރެވޭނެއެވެ.
އަޅުގަނޑް މިމަސައްކަތަޢް ނިކުންނައިރު އަޅުގަނޑްގެ ޓީމް ވަރަށް ޒުވާން ވާނެއެވެ.ކަމަށް ވަރަށް ގާބިލް ވާނެއެވެ.ކަމުގެ ހުނަރު ހުންނާނެއެވެ.ކެރޭނެއެވެ.މިގޮތުން އަޅުގަނޑާއެކު މަސައްކަތް ކުރާނީ ލަންދޫ އޮފީހުގެ ބާނީ އަދި ހިންގުންތެރި ސެކެރެޓަރީ އަދި ހަމަ އެހެންމެ ލަންދޫ ލިޔެސް ޖަމްއިއްޔާގެ ނައިބް ރައީސް އަލްފާޞިލް ސަލީމް ހުސައިން(މެއްޑޯ) އާއި ލަންދޫ ސުކޫލުގެ ހެޑް މުހައްމަދު އިބުރާހިމާއި ލަންދޫ ސުކޫލުގެ ކުރީގެ ވެރިން މިހާރުވެސް އެންމެ ޖެހިލުންވާ އިބްރާހިމް ފާއިޒް (ސޮޕަޓޭ) އެވެ.މިކަމުގައި މިހާތަނަށް މި ތިން ބޭފުޅުން ކޮއްދެއްވި އަދި މިހާރުވެސް ކޮއްދެމުންދާ އިހުލާސްތެރި މަސައްކަތަށްޓަކާ ވަރަށް އިހުލާސްތެރި ސުކުރެއް މިތިން ބޭފުޅުންނަށް ވަކިވަކިން އަޅުގަނޑް ދަންނަވަމެވެ.އިރާދަކުރެއްވިއްޔާ ކުރި މަގުގައި އަޅުގަނޑާ މިނޫންވެސް ބޭފުޅުން ގުޅި އަޅުގަނޑްގެ ކެމްޕޭން ފުޅާވެގެން ދާނެއެވެ.އިތުރުބައިތަކަށް އިންތިޒާރުކޮއްލައްވާ.
0 comments