އަޅުގަނޑް މުހައްމަދު އިބްރަާހިމް ލަންދޫ ލައިވްގެ ނަމުގައި މުޅިން އާ ވެބްސައިޓެއް ހިންގަން ފެށި ވާހަކަ މި ބްލޮގުގެ އެންމެހާ ކިޔުންތެރިންގެ މައުލޫމާތަށްޓަކާ ދަންނަވަން.އަޅުގަނޑާއި އެކު މި ކަމުގައި ހަރަކާތް ތެރި ވަނީ ލަންދުގެ ޒުވާން ކައުންސިލަރ މަޖުދުއްﷲ އަބުދުރައްޒާގާއި އަޅުގަނޑުގެ ދެ އެކު ވެރިން ކަމުގައިވާ އަލްއަހު އިބްރާހިމް ފާއިޒް ސޮޕަޓޭ އާއި ސަލީމް ހުސައިން މެއްޑޯ.މި ވެބްސައިޓް ސުޕޮންސަރ ކޮއްފައިވަނީ މަރީގެ އައިޑިއަލް ނެޓާއި މެއްޑޯގެ އެމްޓޫ އިންވެސްޓްމަންޓުން.މި ފުރުސަތުގައި މިފަރާތް ތަކަށް މި ކަމުގެ ހައްގު ސުކުރު އަރިސްކުރަން...
މި ވެބް ސައިޓްގެ އެޑްރެހަކީ www.landhoolive.com
ލަންދޫ ލައިވް ގެ ހަޤީޤީ މަޤްޞަދަކީ ލަންދޫގައިި މިނިވަން ހަމަހަމަ ނޫސްވެރިކަމެއްކުރުމަށް މަގުފަހިކުރުމާއި ، ހަޤީޤަތް ކިއުންތެރިންނާހަމައަށް ގެނެސްދިނުމާއި ، މަޢުލޫމާތުތަށް ހޫނުކަންމަތީ ކިއުންތެރިންނާހަމައަށް ފޯރުކޮށްްދިނުމާއި ، ތަފާތު ގިނަ މަޢުލޫމާތުތަށް ކިއުންތެރިންނާހަމައަށް ގެނެސްދިނުމާއި ، ކިއުންތެރިންގެ ހިތްތަކުގައި ނޫސްވެރިކަމަށް ލޯބިޖެއްސުމާއި ، ނޫސްވެރިންނަކީ ޒިންމާދާރު ބައެއްކަން ކިއުންތެރިންނަށް ސާބިތުކޮށްދިނުމެވެ .
ލަންދޫ ލައިވުން ބޭނުންވަނީ މިރަށުގައި އުފެދިފައިވާ ހުރިހާ ވެބްސައިޓްތަކާއި ހުރިހާ ބްލޮގްތަކުންވެސް ވަކިފަރާތަކަށް ނުޖެހި ހަމަހަމަކަމާ އިންސާފުން ނޫސްވެރިކަންކުރުމަށާއި ، ލަންދޫގައި ގެއްލިފައިވާ ނޫސްވެރިންގެ އަގު އަނބުރާ އެމީހުންނަށް ހޯދައިދިނުމަށް މަސައްކަތްކޮށްދިނުމެވެ. މިކަންކުރެވޭނީ މިނިވަން ނޫސްވެރިކަމެއް ތަޢާރަފް ކުރެވިގެންނެވެ. މިކަމަށްޓަކައި ކުރަންޖެހޭކޮންމެކަމެއް ލަންދޫ ލައިވުން ކުރާންތައްޔާރަށްއޮތްކަމުގައި ދަންނަވަމެވެ.
ލަންދޫގައި މިހާރު ނޫސްވެރިކަމުގެ ޙާލަތު އޮތްގޮތަކީ ހަޤީޤަތާ ޚިލާފު ވާހަކަތައް ފެތުރުމާއި ، މީހުންގެ ޒާތީ ކަންތައްތަކާ ބެހުމާއި ، އެކަކު އަނެކަކުގެ މަސް ކެއުމާއި ( އެމީހުންހިތުން ) ފިލައިގެން (އެކަމަކު އެންމެނަށްއެނގޭ ) ތިބެ މީހުންގެ އަބުރު ނަގާލުން ފަދަ ހަޑި މުޑުދާރު ގޮތްގޮތް ފެތުރުމެވެ. މިމީހުންވެސް އުޅެނީހަމަ މި މުޖުތަމަޢު ތެރޭ އެންމެންނާ އެކުގައެވެ. މިފަދަބޭފުޅުން މިކަންކަން އިސްލާހުކުރުމަށް މިފުރުސަތުގައި ގޮވާލަމެެވެ. އަދި އިސްލާމީ މުޖުތަމަޢުއެއްގައި މިކަންކަން މިގޮތަށް ހިނގުމަކީ ހިތާމަހުރި ކަމެކެވެ. އެހެންނަމަވެސް ޒިންމާދާރު އެހެނަސް މަދު ނޫސްވެރިންވެސް ލަންދޫގައި އުޅޭކަން ފާހަގަކުރަމެވެ. ނަމަވެސް ނޫސްވެރިންނަށް ރައްދުވާ ކޮންމެއެއްޗެއް ހަމަ އެމީހުންނަށްވެސް ރައްދުވާނެއެވެ. ވީމާ ނޫސްވެރިންގެ އަގު ނޫސްވެރިން ނުހިފަހައްޓާ އިތުރުބަޔަކު އެކަންކުރަން ނާންނާނެކަންވެސް ހަނދާން ކޮށްދެމެވެ. އަޅުގަނޑު އެދެނީ ލަންދޫގެ ނޫސްވެރިންނަށް ހެޔޮވިސްނުން ދެއްވާ މިރަށަށް އަދަށްވުރެ ފަހި މާދަމާއެއް މިންވަރުކުރެއްވުމެވެ. އާމީން
